«Qazaqstan temir joly» ulttyq kompanııasynyń málimetinshe, bıylǵy qyrkúıek-qazan aılary aralyǵynda elimiz jańa ónimdi astyqtyń 2 mıllıon tonnasyn eksporttaǵan, dep jazady Egemen.kz.
2024 jyldyń osy kezeńinde 1,8 mıllıon tonna bolǵan eken, salystyra aıtqanda, bul kórsetkish – eksport kóleminiń turaqty ósip kele jatqanyn kórsetip otyr.
Aýyl sharýashylyǵy vedomstvosynyń málimetinshe, О́zbekstanǵa eksport kólemi 42%-ǵa artyp, 738 myń tonnadan 1 049 myń tonnaǵa deıin artqan. Qyrǵyzstanǵa jetkizilim kólemi 2,6 esege, 24 myńnan 64 myń tonnaǵa deıin, Ázerbaıjanǵa 3,1 esege (18 myńnan 56 myń tonnaǵa deıin), Aýǵanstanǵa 42,5%-ǵa (73 myńnan 104 myń tonnaǵa deıin), al Túrikmenstanǵa 2,3 esege (3 myńnan 7 myń tonnaǵa deıin) jetken.