Prezıdent tapsyrmasy boıynsha Úkimet Arnaıy memlekettik qor qarajatyn sport ınfraqurylymdaryn damytýǵa tartyp jatyr. Bul týraly Úkimet otyrysynda Týrızm jáne sport mınıstri Erbol Myrzabosynov málim qyldy, dep habarlaıdy Egemen.kz.
Sala mınıstri Aqmola óńiriniń Zerendi aýylynda balalar men jasóspirimder sport mektebiniń qurylysy aıaqtalǵanyn atap ótti. Al 3 nysannyń qurylysy júrgizilip jatyr. Olar – Astanadaǵy Qajymuqan Muńaıtpasov atyndaǵy stadıon, Almaty oblysyndaǵy sport kesheni jáne Kókshetaýdaǵy kópfýnksıonaldy keshen.
«Qazir jańa 6 nysan boıynsha ótinim joldandy. Olar – Túrkistan oblysy Baqybek aýyly, Almaty oblysy Sheńgeldi jáne Zarechnyı kentteri, Qostanaı oblysy Arqalyq jáne Lısakov qalalaryndaǵy, sondaı-aq Astana qalasyndaǵy «Qazaqstan» sport kesheni», dedi Erbol Myrzabosynov.