Qytaılyq elektrli kólik óndiretin XPENG kompanııasy «ushatyn avtomobılderin» synaqtan ótkizýdi bastady. «Ushatyn kólik» alty dóńgelekti jerústi kóliginen jáne tik ushyp-qona alatyn, ushýdy qamtamasyz etetin qurylǵysy alýǵa yńǵaıly apparattan turady, dep jazady Egemen.kz Sınhýa agenttigine silteme jasap.
Aıryqsha kólikter Qytaıdyń Gýanchjoý qalasynda óndirilip jatyr. Aýdany 120 myń sharshy metrlik zaýyttyń óndiristik qýaty jylyna 10 000 avıasııalyq modýldi quraıdy. Bul kórsetkish – osy saladaǵy álemdik zaýyttardyń ishindegi eń irisi.
Kásiporyn tolyq qýatynda iske kiriskende ár 30 mınýt saıyn bir ushý apparatyn jınaýdy kózdep otyr.
XPENG AEROHT kompanııasy ónimin tanystyrǵannan keıin shamamen 5 000 «ushatyn kólikke» tapsyrys alyp úlgergen. Al «ushatyn kólikter» tapsyrys berýshiniń qolyna 2026 jyly jetkizilmek.
Ushyp-qonatyn elektrli ushý apparaty avtomatty jáne mehanıkalyq basqarý rejımderinde usynylady. Avtomatty rejım ıntellektýaldy marshrýt qurýǵa, sondaı-aq bir batyrmany basý arqyly ushyp-qonýǵa múmkindik beredi. Jerústi kóliginiń uzyndyǵy shamamen 5,5 metr bolady.