Elordada 7 qarasha kúni saǵat 13:30-da «Esil University» ǵımaratynda bos jumys oryndarynyń jármeńkesi uıymdastyrylady, dep habarlaıdy Egemen.kz.
Jármeńkeni Jastar saıasaty máseleleri basqarmasy, «Astana jastary» jastar resýrstyq ortalyǵy, qalalyq Eńbek mobıldiligi ortalyǵy jáne «Esil University» birlesip ótkizedi.
Is-sharanyń negizgi maqsaty – jumyssyz azamattar men oqý oryndarynyń túlekterin jumyspen qamtamasyz etý, sondaı-aq jumys berýshiler men kandıdattardyń tikeleı baılanysyn ornatý.
Jármeńke barysynda kompanııalar óz qyzmetin tanystyryp, bos jumys oryndaryn usynady. Sondaı-aq olar eń laıyqty úmitkerlerdiń jeke bazasyn qalyptastyrady. О́z kezeginde jumys izdeýshilerge HR-menedjerlermen suhbattasýǵa jáne ózderin qyzyqtyrǵan suraqtaryn qoıýǵa múmkindik beriledi.