Elimizde shahmatty damytýdyń 2023-2027 jyldarǵa arnalǵan keshendi jospary aıasynda 1-4 synyptarǵa arnalǵan «Shahmat negizderi» kýrsy ótkizilip keledi, dep jazady Egemen.kz.
Shahmatty damytý baǵytynda varıatıvtik saǵat bastaýysh synyp muǵalimderi arasynda ótkiziledi. Baǵdarlamany tıimdi júzege asyrý úshin muǵalimder arasynda shahmatty tanymal etý mańyzdy. Osy oraıda Shahmat federasııasy bastaýysh synyp muǵalimderi arasynda «Zııatker ustaz» týrnırin ótkizedi.
Týrnırdiń jalpy júlde qory – 2 000 000 teńge. Týrnırdiń aımaqtyq irikteý kezeńi (Lichess platformasynda, onlaın) 8 qarashada ótedi. Al fınaldyq saıys 12 jeltoqsanda Astanada jalaýyn jelbiretpek. Týrnırge bastaýysh synyp oqýshylaryna shahmattan bilim beretin muǵalimder ǵana qatysa alady. О́tinimder 2025 jylǵy 6 qarasha kúni saǵat 12:00-ge (Astana ýaqytymen) deıin qabyldanady.
Búginde «Shahmat negizderi» páni 20 óńirde 1 500-den astam mektepke engizilip, 60 myńnan astam oqýshyny qamtydy. Sonymen qatar 2 500 pedagog daıarlyq kýrsynan ótti. Atalǵan kórsetkish keshendi jospardyń 2027 jylǵa arnalǵan mejesin (1 400 mektep) asyra oryndady.
Sonymen qatar mamandardy daıarlaý maqsatynda 7 pedagogıkalyq joǵary oqý ornynda «Shahmat pániniń muǵalimi» atty minor qosymsha baǵdarlamasy iske qosylyp, ózge 5 ýnıversıtettiń 204 stýdenti 2025-2026 oqý jylynda osy baǵytta bilim alady.