Jańa oqý jylyn Ordabasy aýdany, Aqbulynyń aýylynyń oqýshylary “Keleshek mektepteri” baǵdarlamasy aıasynda salynǵan jańa bilim ordasymen bastady. Ulttyq joba arqyly boı kótergen mektep aýdandaǵy yńǵaılastyrylǵan qos mekteptiń máselesin sheshti, dep jazady Egemen.kz.
“Bolashaq” mektebi - 2007 jyly asar tásilimen salyndy. Ol kezde 6 bólmeden turatyn bilim uıasynda 1-9 synyp aralyǵynda 200-ge jýyq bala bilim alatyn. Joǵary synyp oqýshylary 3,5 km qashyqtyqtaǵy kórshi aýylǵa tasymaldanyp oqıtyn. Sonymen qatar 2,5 km jerdegi samannan 1969 jyly salynǵan “Qarabastaý” bastaýysh mektebinde júzden astam bala bilim alatyn. 2023 jyly Memleket basshysy Qasym-Jomart Toqaevtyń bastamasymen qolǵa alynda “Keleshek mektepteri” baǵdarlamasy arqyly jańa eńseli mektep salynyp, 2025 jyldyń qyrkúıeginen bastap yńǵaılastyrylǵan “Bolashaq” jáne “Qarabastaý” bastaýysh mektep oqýshylary men ustazdary tolyǵymen jańa ǵımaratqa kóshirildi.
Búginde Keleshek mektebinde 319 oqýshyǵa 36 muǵalim bilim beredi. Eki qabatty ǵımaratta 28 oqý kabıneti, STEM kabınet, robototehnıka, sport zal men 80 oryndy ashanasy, AKT zaly bar. Sondaı-aq, kitaphana men medısınalyq kabınetpen jabdyqtalǵan. Tipti ınklıýzııaly bilim alatyn balalarǵa jedel satymen qamtamasyz etilgen.
Zamanaýı jabdyqtalǵan synyptar, keń sport zaly, pándik kabınetter – oqýshylardyń sapaly bilim alýyna barlyq jaǵdaı jasalǵanynyń aıǵaǵy.
Aıta keteıik, Memleket basshysynyń tapsyrmasymen Túrkistan oblysynda barlyǵy 29 «Keleshek mektebi» salynyp jatyr. О́tken jyly 13 mektep paıdalanýǵa berilse, bıylǵy jańa oqý jylynda taǵy 10 mektep ashyldy. Jyl sońyna deıin 6 keleshek mektep balalar ıgiligine beriledi.