4 qarashanyń keshi men 5 qarashanyń túninde Kún betinde H deńgeıindegi eki iri jarqyl tirkeldi. Bul týraly Reseı ǵylym akademııasynyń Qashyqtyqtan zondtaý jáne Kún–Jer fızıkasy ınstıtýttarynyń mamandary habarlady, dep jazady Egemen.kz.
Ǵalymdardyń aıtýynsha, alǵashqy jarqyldyń qýaty joǵary bolǵanymen (X1.9 deńgeıi), onyń negizgi bóligi Jerge týra baǵyttalmaǵan. Plazma aǵyny shamamen 55 gradýs buryshpen ketip, planetamyzǵa tikeleı áser etpeıdi. Sondyqtan geomagnıttik daýyl – ıaǵnı Jerdiń magnıt órisiniń buzylýy – 3 baldan joǵary kóterilmeıdi dep kútiledi.
Ekinshi jarqyl odan bes saǵattan keıin tirkelgen. Ol Kúnniń arǵy betinde bolǵandyqtan, Jerge múlde áser etpeıdi.
Mamandar mundaı jaǵdaıdyń sırek bolatynyn atap ótti. Ádette Kúnde X deńgeıindegi jarqyldar aıyna bir ret qana baıqalady. Al bul joly eki jarqyldyń arasy bar-joǵy bes saǵat bolǵan. Sol sebepti ǵalymdar muny bıylǵy eń erekshe ári Kún belsendiliginiń arta bastaǵanynyń belgisi dep baǵalap otyr.