Elordada jeńil avtokólik turǵyn úı kesheniniń qabyrǵasyna soǵyldy. Oqıǵanyń beınejazbasy áleýmettik jelilerde tarady. Kýágerlerdiń aıtýynsha, jol apaty №111 mektep mańynda bolǵan, dep habarlaıdy Egemen.kz.
Astana qalalyq polısııa departamenti jol-kólik oqıǵasynyń bolǵanyn rastady. Resmı málimetke sáıkes, Nissan markaly kóliktiń júrgizýshisi aýa raıynyń qolaısyzdyǵynan kólikti basqara almaı qalǵan.
Apat saldarynan kóliktegi jolaýshy jaraqat alyp, jedel járdemmen aýrýhanaǵa jetkizildi. Qazir polısııa oqıǵanyń barlyq mán-jaıyn anyqtap, tekseris júrgizip jatyr.