Ortalyq kommýnıkasııalar qyzmeti (OKQ) alańynda ótken baspasóz konferensııasynda bul týraly Ekologııa jáne tabıǵı resýrstar mınıstrligine qarasty Orman sharýashylyǵy jáne janýarlar dúnıesi komıtetiniń tóraǵasy Danııar Turǵambaev málimdedi, dep habarlaıdy Egemen.kz.
Spıkerdiń aıtýynsha, 2018 jyly jalpy aýmaǵy 415 myń gektardan asatyn «Ile-Balqash» memlekettik tabıǵı rezervaty qurylyp, toǵaıly ormandardy qalpyna keltirý jáne aýmaqty qorǵaý men baqylaý ınfraqurylymyn damytý jumystary júrgizildi. 3,5 gektar aýmaqta jolbarystarǵa jáne qabandarǵa arnalǵan volerler, veterınarııalyq pýnkt salyndy.
«2024 jyldyń kúzińde Nıderlandtaǵy Hoenderdaell haıýanattar baǵynan «Ile-Balqash» rezervatyna eki jolbarys jetkizildi. Qazirgi ýaqytta olar táýlik boıy mamandardyń baqylaýyna alynǵan. Keleshekte jolbarystan tól alǵannan keıin olar spýtnıktik baqylaýmen tabıǵı ortaǵa jiberiledi dep josparlanǵan. Al ata-analyq jup ǵylymı jáne aǵartýshylyq maqsattarda vızıt-ortalyq janyndaǵy volerde qalady. 2026 jyly Reseıden 3-4 jolbarysty ákelý josparlanǵan», dedi D.Turǵambaev.