Astanada qar tazalaý jumystary kúsheıtilgen tártipte júrgizilip jatyr. Qala ákimdiginiń málimetinshe, 2025 jyldyń 5 qarashasyna qaraǵan túni kommýnaldyq qyzmetter qala aýmaǵynan shamamen 686 tekshe metr, ıaǵnı 60-qa jýyq aýyr júk kóligine teń qar shyǵarǵan, dep habarlaıdy Egemen.kz.
Tańerteńnen bastap qalany qar men kóktaıǵaqtan tazartý jumystaryna 810 arnaıy tehnıka men 2 700-den astam jol jumysshysy jumyldyrylǵan.
Qardan tazalaý jumystary aldymen negizgi magıstraldar men qoǵamdyq kólik baǵyttarynda júrgiziledi. Budan keıin ortasha qozǵalysy bar kósheler, aýlalar, alańdar, trotýarlar men aıaldamalar tazalanady.
Astana ákimdigi turǵyndar men qala qonaqtaryna aýa raıynyń qolaısyz kezinde saqtyq sharalaryn qatań ustanyp, joldar men trotýarlarda asa muqııat bolýdy eskertedi. Sondaı-aq, múmkindiginshe uzaq saparlardan bas tartýǵa keńes berildi.
Aıta keteıik, 4 qarasha kúni qala aýmaǵynan 1000 tekshe metrden astam qar, ıaǵnı 86 júk kóligi kóleminde qar shyǵarylǵan. Sol túni qar tazalaýǵa 374 tehnıka men 234 jumysshy jumyldyrylǵan.