Elimizde kún saıyn 76 ata-ana óz mindetterin durys oryndamaǵany úshin ákimshilik jaýapkershilikke tartylady. Bul týraly Oqý-aǵartý mınıstri Juldyz Súleımenova balalar arasyndaǵy quqyqbuzýshylyqtarǵa qatysty kóshpeli óńirlik keńes otyrysynda aıtty, dep jazady Egemen.kz.
Jıynda sóz alǵan mınıstr mınıstr balalardyń tárbıesine qatysty ata-analardyń jaýapkershiligin kúsheıtý qajettiligine de basymdyq berdi.
«Resmı statıstıkaǵa súıensek, kún saıyn 76 ata-ana óz mindetterin durys oryndamaǵany úshin ákimshilik jaýapkershilikke tartylady, al 395 ata-ana balalardyń túnde úıde bolýyn qadaǵalamaıdy. Bul kórsetkishter balanyń ata-ana nazarynan tys qalǵany týraly naqty dabyl. Ata-analarmen jumys erekshe nazar aýdarýdy qajet etedi. Monıtorıng ata-analardyń pedagogıkalyq qoldaý ortalyqtarynyń qyzmetine qatysý belsendiliginiń tómendigin kórsetti», dedi J.Súleımenova.