Belgili qazaqstandyq akter Rústem Omarov álemge áıgili Djekı Channyń Almatyda túsiriletin halyqaralyq jobasyna qosyldy, dep habarlaıdy Egemen.kz.
Ol "Dospehı Boga: Ýltımatým" atty jańa fılmde akter ári ssenarıst retinde boı kórsetedi. О́ner ıesi jaǵymdy jańalyqty áleýmettik jelidegi paraqshasynda bólisti.
Rústem Omarov ataqty ekshn-franshızanyń jańa bóliminde Salem Entertainment kompanııasynyń atynan óner kórsetedi.
- Quttyqtaı berseńizder bolady! Men baqyttymyn, men Djekı Channyń "Dospehı Boga: Ýltımatým" atty jańa jobasynda akter ári ssenarıst bolamyn. "Bala kúngi kýmırim Djekı Chanmen birge bir fılmge túsetinime óte qýanyshtymyn, – dep jazǵan ol.
Bul habar áleýmettik jeli qoldanýshylaryn beıjaı qaldyrmady. Olar Rústem Omarovtyń qýanyshyna ortaqtasyp, jyly pikirler qaldyryp jatyr.
Aıta keteıik, buǵan deıin álemge áıgili akter Djekı Chan Almatyǵa kelgen bolatyn. Keıinirek onyń saparynyń maqsaty belgili boldy.
Salem Entertainment málimetinshe, taraptar iri birlesken jobany júzege asyrýǵa kirisken. Almatyda bolǵan ýaqytynda akter aldaǵy kartınanyń túsirilim alańdaryn tańdaǵan.
- Tolyǵyraq málimetti ázirge qupııa saqtaımyz. Biraq senińizder, alda sizderdi ǵalamat jańalyqtar kútýde. Jańalyqtarymyzdy baqylap otyryńyzdar, eń qyzyǵy áli alda! – delingen habarlamada.