Ońtústik Kalıfornııa ýnıversıtetiniń ǵalymdary mıdyń elektr-hımııalyq úderisterin qaıtalaı alatyn jańa býyn jasandy neırondardy jasap shyqty.
Buǵan deıingi mıkrochıpterde sıgnaldar elektrondar arqyly ǵana berilse, jańa neırondarda ıondardyń qozǵalysy qoldanylady. Iаǵnı olar adam mıyna óte uqsas. Zertteýshilerdiń aıtýynsha, bul neırondardyń árqaısysy bir tranzıstordyń kólemindeı ǵana, biraq fýnksıonaldyǵy jaǵynan dástúrli kúrdeli shemalardan kem túspeıdi. Mundaı ıondyq neırondar shaǵyn ári energııany az tutynatyn júıeler jasaýǵa múmkindik beredi. Ǵalymdar bolashaqta bul jańalyq arqyly mı qurylymyn dál modeldeıtin, bıologııalyq turǵydan adam sekildi ıntellektýaldy qurylǵylar jasaýǵa bolatynyn aıtady.