Zamanaýı tehnologııalar adam ómiriniń ajyramas bóligine aınalyp, jasandy ıntellekt tipti shyǵarmashylyqqa da aralasa bastaǵany belgili. Alaıda JI jasaǵan týyndynyń shynaıy avtory kim – adam ba, álde algorıtm be?
Bul saýalǵa Senat kýlýarynda Ádilet vıse-mınıstri Botagóz Jaqselekova naqty jaýap berdi. Onyń aıtýynsha, qoldanystaǵy zańnama bul máseleni aıqyn retteıdi: avtorlyq quqyq ıesi tek jeke tulǵa bola alady.
«Avtorlyq quqyqtyń sýbektisi – tek adam. Adamnyń oıy, ıdeıasy men shyǵarmashylyǵy – kez kelgen týyndynyń negizi», dedi vıse-mınıstr.
Botagóz Jaqselekova atap ótkendeı, jasandy ıntellekt týyndyny tehnıkalyq turǵyda «jasap bergenimen», ol avtor dep tanylmaıdy.
«Jasandy ıntellekt – bul qural ǵana. Ol berilgen algorıtmdi oryndaıdy, biraq ózdiginen oılap, jańa nárse jasaı almaıdy. Sol sebepti, týyndynyń shynaıy avtory – tapsyrmany bergen adam», dep túsindirdi vıse-mınıstr..