AQSh memlekettik hatshysy Marko Rýbıo 2026 jyly Ortalyq Azııanyń bes eline, sonyń ishinde Qazaqstanǵa keletinin habarlady. Ol bul týraly Vashıngtonda ótken kezdesýde málimdedi, dep habarlaıdy Egemen.kz.
Rýbıo AQSh-tyń Ońtústik jáne Ortalyq Azııa isteri jónindegi arnaıy ókili Serdjıo Goranyń jáne memlekettik hatshynyń orynbasary Krıstofer Landaýdyń Qazaqstanǵa jasaǵan saparyn «mańyzdy mıssııa» dep atady.
«Olar Qazaqstanda biraz ýaqyt boldy jáne aımaqtaǵy basqa elderge de barýǵa asyq. О́z basym kelesi jyly osy bes eldiń bárine barýdy josparlap otyrmyn — sapar kem degende bir aptaǵa sozylady dep oılaımyn. Bul jospardy júzege asyrý úshin jumys istep jatyrmyz», dedi Rýbıo.
Memlekettik hatshynyń aıtýynsha, Tramp ákimshiliginiń syrtqy saıasaty AQSh-tyń ulttyq múddelerine negizdelgen, al bul múddeler Ortalyq Azııa elderiniń maqsattarymen úndes.
«Bizdiń ulttyq múddelerimiz sáıkes keledi. Búgingi kezdesýler men keıingi kelissózder bul áriptestikti odan ári nyǵaıtady. Bul — AQSh pen Ortalyq Azııa arasyndaǵy qatynastardyń jańa dáýiriniń bastaýy», dep atap ótti ol.
Eske sala ketsek, buǵan deıin Qazaqstan Prezıdenti Qasym-Jomart Toqaev resmı saparmen Vashıngtonǵa barǵan edi. Memleket basshysy Donald Tramppen kelissózder júrgizip, C5+1 formatyndaǵy (Ortalyq Azııa – AQSh) sammıtke qatysady dep josparlanǵan.