Almaty Qalalyq kardıologııalyq ortalyǵy resmı túrde júrek transplantasııasyn júrgizýge ýákiletti medısınalyq uıymdar tizimine engizildi. Bul týraly Almaty qalasy Qoǵamdyq densaýlyq saqtaý basqarmasynyń ókilderi habarlady.
Sheshimdi Densaýlyq saqtaý mınıstrliginiń Transplantasııa jáne joǵary tehnologııalyq medısınalyq qyzmetterdi úılestirý jónindegi respýblıkalyq ortalyǵy men «University Medical Center» (UMC) korporatıvtik qory birlesip qabyldaǵan.
Osylaısha, Almaty Qalalyq kardıologııalyq ortalyǵy UMC ortalyǵynan keıin Qazaqstanda júrek transplantasııasyn óz betinshe júrgizý quqyǵy berilgen ekinshi medısınalyq uıym atandy.
Ortalyqta mundaı joǵary kúrdeli ota jasaý úshin barlyq jaǵdaı qarastyrylǵan. Joǵary bilikti kardıohırýrg, anestezıolog, reanımatolog mamandar zamanaýı dıagnostıka men emdeý ádisterin júrgizip otyr. Halyqaralyq standarttarǵa saı joǵary tehnologııalyq jabdyq ornatylǵan.