«Qazgıdromet» RMK baspasóz qyzmeti 2025 jyldyń 8–10 qarashasyna arnalǵan aýa raıy boljamyn usyndy, dep habarlaıdy Egemen.kz.
Sınoptıkterdiń málimetinshe, Atlant sıklonynyń áserinen elimizdiń basym óńirinde aýa raıy qubylmaly bolady: jaýyn-shashyn (jańbyr, qar) kútiledi, sondaı-aq tuman, kóktaıǵaq jáne boranmen birge jeldiń kúsheıýi boljandy.
Tek eldiń ońtústigi men ońtústik-shyǵysynda aýa raıy negizinen jaýyn-shashynsyz bolady.
«Kúndizgi aýa temperatýrasynyń negizgi fony batys óńirlerde +5…+15°S, soltústik-batysta 0…+10°S, soltústik, shyǵys jáne ortalyq aımaqtarda –3…+2°S, al ońtústik pen ońtústik-shyǵysta +5…+15°S shamasynda bolady», dep habarlady «Qazgıdromet».