Vashıngtonda QR Jasandy ıntellekt jáne sıfrlyq damý mınıstrligi, QR Ǵylym jáne joǵary bilim mınıstrligi, «Qazaqtelekom» AQ, Freedom Holding Corp. jáne OpenAI, Inc. kompanııasy jasandy ıntellekt tehnologııalaryn qoldaný arqyly bilim berý men sıfrlyq daǵdylardy damytýǵa baǵyttalǵan yntymaqtastyq týraly memorandýmǵa qol qoıdy, dep habarlaıdy Egemen.kz.
Kelisim aıasynda elimizdegi pedagogterge ChatGPT-diń bilim berý uıymdaryna arnalǵan nusqasy – ChatGPT Edu platformasyn qoldaný múmkindigi beriledi.
«Platforma bilim berý salasynda OpenAI-dyń zamanaýı modelderine qoljetimdilikti qamtamasyz etedi. Sonymen qatar, júıe derekter qaýipsizdigi men qupııalylyǵyn jáne ákimshilik basqarýdy joǵary deńgeıde qorǵaıdy. ChatGPT Edu qyzmetinde derekterdi taldaý, qujattardy qysqasha mazmundaý jáne jeke GPT-assıstentterin qurý fýnksııalary bar. Nátıjesinde muǵalimderdiń ýaqyty únemdelip, ákimshilik jáne tehnıkalyq jumystary jeńildeıdi», delingen habarlamada.
Memorandýmǵa sáıkes, pedagogterge 3 jylda jyl saıyn keminde 165 000 OpenAI lısenzııasyn berý josparlanyp otyr.
«Búkil álemdegi ustazdar ákimshilik júktemeni azaıtyp, ýaqytyn oqytý men oqýshylardyń damýyna arnaýy úshin jasandy ıntellektini qoldanyp keledi. Tıisti qoldaý kórsetilse, muǵalimder men oqytýshylar bul quraldardy tıimdi ıgerip, bilim berý úderisinde jasandy ıntellekt múmkindikterin barynsha paıdalana alady. Qazaqstan Úkimetimen jasalǵan kelisim jergilikti pedagogterge ChatGPT-ni qoldanýǵa jáne JI-diń artyqshylyqtaryn bilim berý júıesine engizýge jaǵdaı jasaıdy», deıdi, OpenAI bilim berý jáne memlekettik baǵdarlamalar GTM baǵyty boıynsha jetekshisi Kevın Mılls.
Atalǵan bastama Qazaqstannyń sıfrlyq transformasııa jáne adamı kapıtaldy damytý jónindegi ulttyq strategııasyn qoldaı otyryp, pedagogterge ozyq halyqaralyq tehnologııalarǵa qol jetkizýge jol ashady. Kelisimdi iske asyrý ınnovasııalyq oılaý, synı taldaý jáne kreatıvtilik daǵdylaryn damytýǵa, sondaı-aq pedagogterdiń sıfrlyq quzyretterin nyǵaıtýǵa yqpal etedi.