Short-trekten alǵashqy jasóspirimder arasyndaǵy Álem kýbogi 2023 jyly uıymdastyrylǵan. Sol kezde-aq Qazaqstan konkıshiler odaǵy osy jarysty ótkizýge alǵashqylardyń biri bolyp ótinim bergen edi. Nátıjesinde Halyqaralyq konkıshiler odaǵy elimizge bir emes, qatarynan eki kezeńdi senip tapsyrdy. Eki kezeń de Astanada ótedi, dep jazady Egemen.kz.
Búgin bastalǵan atalǵan sport túrinen Álem kýboginiń birinshi kezeńi 7-9 qarashada, al ekinshi kezeńde osy aıdyń 13-15 kúnderi aralyǵynda «Alaý» muz saraıynda uıymdastyrylady.
Birinshi kezeńge álemniń 22 elinen sportshylar qatysady. Júldeler úshin Aýstralııa, Kanada, Qytaı, Fransııa, Vengrııa, Japonııa, Qazaqstan, Ońtústik Koreıa, Mońǵolııa, Germanııa, Indonezııa, Gonkong, Sıngapýr, Ulybrıtanııa, AQSh, Úndistan, Italııa, Jańa Zelandııa, Polsha, Shveısarııa, Taıbeı, Nıderland sportshylary baq synaıdy.
Ulttyq olımpıada komıteti Qazaqstan quramasynyń tolyq tizimin jarııalady. Atap aıtqanda, el namysyn qorǵaıtyndar:
- Polına Omelchýk
- Anastasııa Galechına
- Raıana Manarbekova
- Nurııa Alpysbaı
- Gúldana Jalmuhan
- Asylhan Qasymbek
- Madııar Madıhov
- Pavel Soı
- Bogdan Vehov
- Tamırlan Joldas
Astanadaǵy jarysta 500, 1000, 1500 metr qashyqtyqtarynda (uldar men qyzdar arasynda), sondaı-aq erler, áıelder jáne aralas komandalyq estafetalarda júldeler sarapqa salynady.