Qazirgi saıasatty jalǵastyrý mańyzdy

Prezıdent poshtasynan Qazaqstan halqy Assambleıasy Keńesiniń Qazaqstan Respýblıkasy Prezıdentin saılaý jónindegi bastamasyna baılanysty hattar men jedelhattar kóptep kelýde, dep habarlady Prezıdenttiń baspasóz qyzmeti. Memleket basshysynyń atyna eldegi kásiporyndar men uıymdardyń eńbek ujymdarynan, etnomádenı birlestikterdiń ókilderi men qarapaıym azamattardan kelip jatqan hattar legi áli de jalǵasýda. Avtorlar Memleket basshysynyń ekonomıkalyq damýǵa, halyqty áleýmettik qorǵaýǵa, qoǵamdaǵy tatýlyq pen kelisimge baǵyttalǵan saıasatyn jalǵastyrýdyń mańyzdylyǵyn atap ótken. «Semeı mashına jasaý zaýyty» AQ ujymy respýblıkanyń strategııalyq maqsattaryna qol jetkizý úshin ári qaraı da jumyla jumys isteý qajettigin atap ótken. «Dál búgin birlik pen turaq­tylyqty nyǵaıtý asa mańyzdy, sondyqtan biz Sizdi el Prezıdenti laýazymyna laıyqty kandıdat sanaımyz. Búgingi berekemiz ben bolashaǵymyzdy Sizben ǵana baılanystyramyz», – delingen hatta. «Qazaqstan elektrolız zaýyty» AQ jumysshylary kórsetken qoldaýy men qamqorlyǵy úshin alǵys aıta otyryp, ózderiniń barlyq jetistikterin Memleket basshysynyń atymen baılanystyratynyn aıtqan. «Biz Qazaqstandy Sizdiń basshy­lyǵyńyzben jańa jetistikter, ekonomıkalyq damý jáne órkendeý kezeńi kútip turǵanyna senimdimiz. Mundaı kúrdeli jolda bizge naq osyndaı Prezıdent kerek», – dep jazady avtorlar. Eýrazııalyq Toptyń myńdaǵan adamdy quraıtyn eńbek ujymynyń músheleri prezıdenttik saılaý ótkizý Elbasynyń basshylyǵymen júrgizilip jatqan ekonomıkalyq saıasattyń uzaqmerzimdiligi men ornyqtylyǵyna degen ınvestorlar men bıznes qoǵamdastyqtyń senimin arttyratynyna nazar aýdarǵan. «Siz júrgizip otyrǵan saıasattyń tóńireginde odan ári toptasý eldiń júıeli damýynyń, barlyq qazaqstandyqtardyń baq-berekesiniń kepili bolyp sanalady», – delingen hatta. «Shubarkól kómiri» AQ ujymy saılaý naýqanyn ótkizý Qazaqstan qoǵamyndaǵy saıası turaqtylyq pen kelisimniń saqtalýyna septigin tıgizetinin atap ótken. «Biz Sizdiń saıasatyńyzdy árdaıym belsene qoldadyq, Sizge daýys berdik. Bizdiń sheshimimiz durys bolǵandyǵyn kún saıynǵy jańǵyrýlar rastap otyr», – dep jazady avtorlar. Bul pikirge ENRC Logistics kólik tobynyń jumysshylary da qosylǵan. «Eýrazııalyq energetıkalyq korporasııa» AQ shahterlary men energetıkteri Nursultan Nazarbaevtyń basshylyǵymen júzege asyp jatqan elimizdiń qarqyndy damýyna óz qoldaýlaryn bildirgen. «Sizdiń jyldan-jylǵa júr­gizip kele jatqan kóregen saıasa­tyńyzdyń arqasynda Qazaqstan búginde TMD elderi ishinde eko­nomıkalyq ósim men áleýmettik kepildikter jóninen kósh basynda keledi. Sizdiń bastamańyzben elde daǵdarysqa qarsy tıisti sharalar qabyldanyp, ınfraqurylymdyq jobalar júzege asýda, myńdaǵan jumys oryndary ashylýda. Biz «Qazaqstan-2050» Strategııasyn jan-jaqty qoldaımyz», – delingen hatta. Almaty oblysynyń Mámbet aýylyndaǵy sharýa qojalyǵynyń basshysy N.Bekesheva óziniń otbasy Memleket basshysynyń qyzmetin tolyq maquldaıtynyn málimdegen jáne saılaýǵa qatysady dep úmittenetinin jetkizgen. Almaty oblysy úleskerleriniń biryńǵaı úılestirý keńesiniń músheleri táýelsizdik jyldarynda el azamattarynyń alańsyz ómir súrip, memleket qamqorlyǵyn sezingenine toqtalǵan. «Sizden saılaý ótkizýdi jáne óz kandıdatýrańyzdy Qazaqstan Respýblıkasy Prezıdenti laýazymyna usynýyńyzdy suraımyz. Biz saılaýǵa belsene qatysamyz jáne Sizge daýys beremiz», – dep jazady avtorlar. Oral qalalyq soǵys jáne eńbektiń ardager muǵalimderi keńesiniń tóraıymy S.Imanǵalıeva Qazaqstan bul kúnde zamannyń birqatar syn-qaterlerimen betpe-bet kelgenin, biraq elimiz alǵa qoıylǵan mindetterdi sheshýge jetkilikti resýrstar men múmkindikterge ıe ekenin atap ótken. «Biz Qazaqstan halqy Assambleıasynyń bastamasyn bir aýyzdan qoldaımyz. Bizdiń bárimizge, ardagerlerge Kóshbasshymyz Sizdiń aınalańyzda burynǵydan da kúshtirek uıysa túsetin syn saǵaty jetti», – delingen hatta. Atyraý oblysynyń densaýlyq saqtaý salasynyń ókilderi memlekettiń strategııalyq tabystaryna óz úlesin qosý múmkindigi – eldiń medısınalyq qoǵamdastyǵy úshin birinshi kezektegi mindet ekenin atap ótken. «Biz jańa bıikterge qaraı óz Prezıdentimiz – Sizben birge alǵa ilgerileýge daıynbyz», – dep jazady avtorlar. Atyraý qalasyndaǵy N.Tilendıev atyndaǵy kishi óner akademııasy ujymynyń músheleri Qazaqstan halqy Assambleıasynyń bastamasyn zor yqylaspen qabyl alǵandaryn málimdegen. «Qazaqstanǵa búginde turaqtylyqty saqtaý qajet ekenin túsinemiz. Bul Sizben birge bolǵanda ǵana júzege asady. Siz búkil el qoldaıtyn Kóshbasshysyz. Qazaqstanymyz О́zińizben birge órkendeı bersin», – dep jazady avtorlar. Atyraý oblysynyń ǵylymı zııaly qaýym ókilderi Memleket basshysyna Otanymyzǵa adal qyzmeti úshin, sondaı-aq ǵylymdy damytý máselesine aıryqsha kóńil bólip otyrǵany úshin alǵys aıtady. «Sizdiń bilgenińizdi qalaımyz: Barlyq bastamalaryńyzǵa baılanysty bizge senim artýyńyzǵa bolady. Biz – Sizdiń adal jaqtastaryńyz ári pikirlesterińiz bolamyz. Biz Sizben birge týǵan elimizge jáne otandyq ǵylymǵa kóp nárse jasaı alamyz. Saılaý ótken jaǵdaıda Siz óz baǵdaryńyzdy halyqtyń tolyq qoldaıtynyna taǵy da kóz jetkizesiz», – dep jazady avtorlar. «Salavat» bashqurt etnomádenı birlestiginiń, «Pahtakor» ózbek etnomádenı birlestiginiń jáne Mańǵystaý oblysyndaǵy «Allaıar joly» qaraqalpaq etnomádenı birlestiginiń músheleri prezıdenttik saılaýdy ótkizý týraly bastamany tolyq qoldaıtyndaryn, Nursultan Nazarbaevqa senetinderin aıtqan. «Biz óz kóshbasshymyzǵa jáne onyń júrgizip otyrǵan saıasatyna senemiz, tatýlyq pen kelisimdi qoldaımyz. Bul – bizdiń bolashaǵymyz», – dep jazady avtorlar. Qazaqstan halqy Assambleıasy Keńesiniń el Prezıdentin saılaýdy ótkizý jónindegi bastamasyna baılanysty Memleket basshysynyń atyna kelip jatqan hattar legi áli jalǵasýda.