Qazaqstandyq mánerlep syrǵanaýshy Sofıa Samodelkına Japonııanyń Osaka qalasynda ótken Gran-prı kezeńinde ekinshi oryn aldy, dep habarlaıdy Ulttyq olımpıadalyq komıteti.
Qysqa baǵdarlamada Sofıa ýaqytsha ekinshi orynǵa ornalasqan edi. Nátıjesinde ol óz ornyn saqtap qaldy.
Erkin baǵdarlamada qazaqstandyq sportshy 132,25 upaı jınap, úshinshi nátıje kórsetti. Jalpy esepte 200 upaı jınaǵan Samodelkına týrnırdi kúmis júldemen aıaqtady.
Ol tek japonııalyq Kaorı Sakamotoǵa (227,18 upaı) ǵana jol berdi. Úshinshi oryn Belgııa sportshysy Lýna Hendrıkske buıyrdy - 198,97 upaı.