Jambyldyq tártip saqshylary 91 márte jol erejesin buzǵan avtokólik júrgizýshisin anyqtady, dep habarlaıdy Egemen.kz oblystyq polısııa departamentiniń baspasóz qyzmetine silteme jasap.
Polısııa qyzmetkerleri Taraz qalasyndaǵy Jambyl dańǵylynda birneshe aı ishinde jol qozǵalysy erejelerin 91 ret buzǵan Chevrolet Cobalt avtokóliginiń júrgizýshisin toqtatqan.
Er adam jyldamdyqty birneshe ret asyrǵan jáne jol qozǵalysy erejeleriniń talaptaryn elemegen. Júrgizýshi «Qorǵaý» ıntellektýaldy júıesi arqyly anyqtaldy. Bul júıe jol qozǵalysyn avtomatty túrde baqylaýdyń tıimdiligin arttyrady.
Sıfrlandyrýdyń arqasynda iske asqan zamanaýı tehnologııa jol qaýipsizdigin qamtamasyz etýdiń mańyzdy quralyna aınalyp úlgergen. Al 91 ret ereje buzǵan azamattyń kóligi arnaıy aıypturaqqa qoıyldy.
Taraz