ASTANA. 21 naýryz. Ázerbaıjan prezıdent Ilham Alıev dári-dármek týraly zańǵa engizilgen ózgerister men tolyqtyrýlardy óz jarlyǵymen bekitti. Bul týraly haqqin.az habarlady.
Habarlamada aıtylǵandaı, 2007 jyldyń 6 aqpanynda qabyldanǵan atalmysh zańǵa engizilgen jańa baptar boıynsha elde satylatyn dárilerdiń baǵasyn memleket belgilep berip otyrady. Bul maqsatta arnaıy qurylǵan keńes 3 aı ishinde tıisti sharalardy júzege asyrýy qajet.
Ázerbaıjannyń Ekonomıka jáne óndiris mınıstrligi janyndaǵy antımonopolııa saıasaty men tutynýshylardyq quqyǵyn qorǵaý jónindegi mekemeniń basshysy Zahıd Isaevtyń sózine qaraǵanda, belgilengen baǵa dári-dármekter qorabynyń syrtynda kórsetilip turýy tıis.
Joldybaı Bazar.
Derek: haqqin.az.
Sýret: Trend.