О́ńirde jedel respıratorlyq vırýstyq ınfeksııalar men tumaý boıynsha epıdemıologııalyq ahýal birqalypty deńgeıde saqtalyp otyr, dep habarlaıdy Egemen.kz.
Jambyl oblysy ákimdiginiń densaýlyq saqtaý basqarmasynyń basshysy Serjan Nazarbektiń aıtýynsha, 1-30 qazan aralyǵynda oblys boıynsha 30046 naýqas dárigerge júgingen. Olardyń 18310-y – 14 jasqa deıingi balalar, 1679-y – bir jasqa deıingi sábıler, al 303 jaǵdaı júkti áıelderge tıesili. Zerthanalyq zertteý nátıjesinde 12 naýqastan tumaýǵa jatpaıtyn vırýstar, al 5 naýqastan tumaý vırýsy anyqtalǵan.
О́tken jyldyń sáıkes kezeńimen salystyrǵanda, óńirde JRVI juqtyrǵandar sany 8,5 paıyzǵa artqan. Degenmen, barlyq naýqastarǵa tıisti emdeý sharalary klınıkalyq hattamaǵa saı júrgizilip jatyr.
– Búginde oblys boıynsha 449 naýqas stasıonarlyq em qabyldaýda. Koronavırýs pen metapnevmovırýstyq ınfeksııa tirkelgen joq, ólim-jitim jaǵdaıy bolǵan emes. Infeksııalyq stasıonarlar men jedel járdem qyzmetteri tolyq daıyndyqta, – deıdi basqarma basshysy. Tósek qory jetkilikti. 3 qarashadaǵy jaǵdaı boıynsha oblysta 714 ınfeksııalyq tósek daıyndalǵan. Onyń 49-y JRVI dıagnozy bar naýqastarǵa, 152-si pnevmonııamen syrqattanǵandarǵa arnalǵan. Tósek qorynyń júktemesi 28 paıyz, ıaǵnı 513 tósek bos.
Epıdemııalyq jaǵdaı kúrdelengen jaǵdaıda oblystyq densaýlyq saqtaý basqarmasy úsh kezeńnen turatyn arnaıy is-qımyl josparyn bekitken. Birinshi kezeńde tósek tolymdylyǵy 70 paıyzǵa jetse, JRVI naýqastaryna arnalǵan oryndar sany kóbeıtiledi. Ekinshi kezeńde oblystyq kópbeıindi balalar aýrýhanasynda qosymsha 190 tósek oryn ashylady. Úshinshi kezeńde Jambyl jáne Baızaq aýdandarynyń stasıonarlary jumyldyrylady. Vaksınasııa – eń tıimdi qorǵanys. Dárigerler tumaý men vırýstyq ınfeksııalardan saqtanýdyń eń senimdi joly – ýaqytyly vaksına alý ekenin eske salady.
Oblystyq juqpaly aýrýlar aýrýhanasynyń bas dárigeri Saǵynysh Nurǵabylovanyń aıtýynsha, sońǵy kúnderi naýqastar sany azdap ósken.
– Sońǵy táýlikte 214 adam qaraldy. Onyń 58-i aýrýhanaǵa jatqyzylyp, qalǵandaryna ambýlatorııalyq kómek kórsetildi. Buǵan deıin táýligine orta eseppen 150-180 adam keletin, sondyqtan ósim bar, biraq jaǵdaı tolyq baqylaýda, – dedi ol.
Mamannyń aıtýynsha, turǵyndardyń kópshiligi emhanaǵa barmaı, birden ınfeksııalyq aýrýhanaǵa kelip jatyr. Bul óz kezeginde júktemeni arttyryp, kezek týdyryp otyr.
– Barlyq emhanalar keshki saǵat 20:00-ge deıin jumys isteıdi. Sondyqtan turǵyndarǵa eń aldymen otbasylyq dárigerge nemese óz emhanasyna júginý usynylady. Aýrýdyń 80 paıyzdan astamy jeńil túrde ótedi jáne úı jaǵdaıynda emdelýge bolady, – deıdi Saǵynysh Qabyltaıqyzy.
JRVI men tumaýdyń maýsymy áli aıaqtalǵan joq. Degenmen, oblysta epıdemıologııalyq ahýal tolyq baqylaýda. Dárigerler turǵyndardy sabyr saqtap, óz densaýlyǵyna jaýapkershilikpen qaraýǵa shaqyrady.