Londondyq «Arsenal» men almatylyq «Qaırat» arasyndaǵy ÝEFA Chempıondar lıgasynyń 8-týr oıynyna bıletterdiń baǵasy belgili boldy, dep habarlaıdy Egemen.kz klýbtyń baspasóz qyzmetine silteme jasap.
Match 2026 jyldyń 29 qańtaryna qaraǵan túni «Emıreıts» arenasynda ótedi. «Kanonırler» bıletterdiń qunyn 44,80–84 fýnt sterlıng (30–50 myń teńge shamasynda) aralyǵynda belgiledi.
Aıta ketsek, buǵan deıin Mılanda ótken «Qaırat» pen «Inter» arasyndaǵy oıynda eń arzan bılet nebári 5 eýro (3100 teńge) bolǵan edi. Sondaı-aq 8, 10, 14 eýro turatyn oryndar da bolǵan. Eń qymbat bılet 349 eýroǵa (217 myń teńge) satylǵan.
Al Almatydaǵy Chempıondar lıgasy oıyndaryna bıletterdiń baǵasy 30 myń teńgeden bastap, 250 myń teńgege deıin jetken. Mundaı baǵa saıasaty «Qaırattyń» óz alańyndaǵy «Real» jáne «Pafosqa» qarsy kezdesýlerinde qoldanylǵan.
Eske sala ketsek, tuńǵysh ret Chempıondar lıgasynyń negizgi kezeńinde óner kórsetip jatqan «Qaırat» tórt oıyn ótkizdi: portýgaldyq «Sportıngke» (1:4) jáne madrıdtik «Realǵa» (0:5) jol berdi, kıprlik «Pafospen» (0:0) teń túsip, «Interge» (1:2) ese jiberdi. Qazir komanda týrnır kestesinde 34-orynda, qorjynynda – 1 upaı.