Qazaqstanda geologııalyq aqparatty sıfrlandyrý jumystary júrgizilýde. Qazirge deıin 3,5 mıllıonǵa jýyq bastapqy derekter sıfrlanǵan, al jumysty 2026 jyldyń sońyna deıin tolyq aıaqtaý josparlanǵan, dep habarlaıdy Egemen.kz.
Premer-mınıstr elimizde 22 túrli memlekettik qyzmet kórsetetin jer qoınaýyn paıdalanýdyń biryńǵaı platformasy qurylǵanyn atap ótti. Bul platforma lısenzııalardy avtomatty túrde berýge jáne mindettemelerdiń oryndalýyn qadaǵalaýǵa múmkindik beredi.
Qazir 3,5 mıllıonǵa jýyq bastapqy geologııalyq aqparat sıfrlanǵan. Buryn bul derekter dástúrli qaǵaz nusqasynda, magnıttik taspalarda jáne fotosýret túrinde saqtalǵan.
«О́nerkásip mınıstrligine Qarjy, Jasandy ıntellekt mınıstrlikterimen jáne Ulttyq geologııalyq qyzmetpen birlesip, kelesi jyldyń sońyna deıin tarıhı derekterdi sıfrlandyrý jumystaryn aıaqtaýdy tapsyramyn. Bul, jalpy alǵanda Qazaqstan boıynsha tarıhı jáne jańa geologııalyq aqparatqa qol jetkizýdi ońaılatyp, ınvestısııalar tartý, ken oryndaryn barlaý men ıgerý jónindegi jobalardy júzege asyrýdy jeńildetedi», dedi Oljas Bektenov.