Qasym-Jomart Toqaevtyń Reseı Federasııasyna memlekettik sapary aıasynda Máskeý qalasynda «Qazaqstan men Reseı dostyǵy» skveriniń ashylý saltanaty ótti. Jańa saıabaq Máskeýdiń Ońtústik ákimshilik okrýginde, «Alma-Atınskaıa» stansııasynyń mańynda ornalasqan, dep jazady Egemen.kz.
Saltanatty is-sharaǵa QR Mádenıet jáne aqparat mınıstri Aıda Balaeva, RF Federaldyq Jınalysy Federasııa Keńesi Tóraǵasynyń birinshi orynbasary Andreı Iаskın, dıplomatııalyq korpýs ókilderi, sondaı-aq Reseı men Qazaqstannyń tanymal mádenıet jáne óner qaıratkerleri qatysty.
«Reseı men Qazaqstan halyqtarynyń dostyǵyna arnalǵan tamasha skverdiń ashylý rásimine qatysý – men úshin zor mártebe. Igi joba Máskeý qalasy úkimetiniń bastamasymen qolǵa alynyp, Reseı Federasııasynyń Syrtqy ister mınıstrligi qoldaýymen júzege asyp otyr. Bul – eki el arasyndaǵy strategııalyq áriptestik pen tatý kórshilik qatynastardyń joǵary deńgeıin kórsetedi. Skverdiń Qazaqstan Respýblıkasynyń Prezıdenti Qasym-Jomart Kemeluly Toqaevtyń tarıhı memlekettik sapary qarsańynda ashylyp otyrǵany da erekshe mánge ıe. Árıne, Máskeýde de, Reseıdiń basqa aımaqtarynda da, Qazaqstanda da osyndaı qoǵamdyq oryndar az emes. Degenmen, olardyń kóbirek bolǵany ıgi, sebebi mundaı nysandar eki el arasyndaǵy dástúrli dostyq pen urpaqtar sabaqtastyǵyn aıǵaqtaı túsedi», – dedi Andreı Iаskın.
Is-shara barysynda Aıda Balaeva Reseı men Qazaqstandy ǵasyrlar boıy qalyptasqan tatý kórshilik dástúrleri men ortaq rýhanı qundylyqtarǵa negizdelgen berik baılanys biriktiretinin aıtty. Bul baılanysqa tarıhy tereńde jatqan mádenı yntymaqtastyqtyń úzdiksiz damýy negizgi tirek bolyp otyr.
Mınıstrdiń pikirinshe, mádenıet eki el úshin de aǵartýshylyqqa, ulttyq bolmys pen birlikke bastaıtyn «rýhanı kópirge» aınaldy. Ol óz sózinde osy jyl da halyqtar arasyndaǵy mádenı jáne shyǵarmashylyq baılanystardyń myzǵymas dástúrge jáne baı mazmunǵa ıe ekenin taǵy bir márte dáleldegenin atap ótti.
Aıta ketý kerek, bıylǵy mamyr aıynda Astanada «Qazaqstan men Reseıdiń Máńgilik dostyǵy» alleıasy ashylǵan bolatyn.