Aqtóbe oblysynda Hromtaý qalasynyń ákimi Saǵyndyq Shabyqbaev ustaldy, dep jazady Egemen.kz.
Oblystyq sottyń málimetinshe, qala ákimi para aldy degen kúdikke ilingen.
«Sot eki aı merzimge qamaýǵa alý týraly sanksııa berdi. О́zge aqparat jarııa etilmeıdi», dep málimdedi atalǵan sottyń baspasóz qyzmeti.
40 jastaǵy S.Shabyqbaev 2023 jylǵy qyrkúıekte Hromtaý qalasynyń ákimi bolyp saılanǵan. Ony aýdan ortalyǵynyń turǵyndary daýys berý arqyly tańdaǵan.
Buǵan deıin ol Aqtóbe oblysy aýdandarynyń ákimdikterinde qyzmet atqarǵan, 2018 jyldan 2023 jylǵa deıin Hromtaý qalasy ákiminiń orynbasary bolǵan.