Keshe Grýzııada Túrkııanyń C-130 qarýly kúshteri ushaǵy apatqa ushyrady. Túrkııa Qorǵanys mınıstrligi qaza bolǵandardyń tizimin jarııalap, bortta bolǵan 20 áskerı qyzmetshiniń qaza tapqanyn rastady, dep habarlaıdy Egemen.kz.
Málimdeme Twitter áleýmettik jelisinde jarııalandy.
«Bizdiń áskerı joldastarymyz 2025 jyldyń 11 qarashasynda Ázerbaıjannan bizdiń elimizge baǵyt alǵan C-130 qarýly kúshteri ushaǵynyń apatqa ushyraýy nátıjesinde qaza tapty», delingen vedomstvo habarlamasynda.
Túrkııanyń qarýly kúshteri ushaǵy ótken seısenbide Ázerbaıjan shekarasyna jaqyn jerde, Grýzııa aýmaǵynda apatqa ushyraǵan. Bul týraly «Imedı» telearnasy habarlady.
Keıinirek Túrkııa Qorǵanys mınıstrligi bul oqıǵaǵa qatysty túsinikteme berdi.
«Ázerbaıjannan bizdiń elimizge qaraı ushqan C-130 qarýly kúshteri ushaǵy Grýzııa men Ázerbaıjan shekarasynda apatqa ushyrady», delingen mınıstrlik málimdemesinde.
Grýzııa Ishki ister mınıstrligi ushaqtyń Sıgnahıdegi mýnısıpalıtet aýmaǵynda, Ázerbaıjan shekarasyna jaqyn mańda qulap, oqıǵaǵa qatysty tergeý bastalǵanyn habarlady. Grýzııanyń IIM atap ótkendeı, ushaq apatqa deıin dabyl belgisin bermegen.
Memleket basshysy Qasym-Jomart Toqaev áskerı ushaq apatyna baılanysty Túrkııa Prezıdentine kóńil aıtý jedelhatyn joldady.