Atalǵan oblystyń Shalqar qalasynyń turǵyndary 27 jastaǵy Aslan Laıyqov pen Lázzat Jolamanovanyń otbasynda úshem dúnıege kelip, olarǵa Ádemi, Sulý jáne Ámire esimi berildi, dep jazady Egemen.kz.
Budan bólek jas otbasynyń 5 jasar uly, 3 jasar qyzy bar.
Shalqar aýdany ákimi Janbolat Jıdehanov kópbalaly otbasyny quttyqtap, estelik syılyǵyn tartý etti.
Oblys ákimdiginiń málimetinshe, nárestelerdiń dúnıege kelgendegi salmaǵy – 1600, 1670, 1490 gramm bolsa, boılary birdeı, 35 sm. Náresteler birneshe mınýt aıyrmashylyqpen dúnıege kelgen.
«Shaqalaqtar 1 aıdan asa oblystyq perınataldyq ortalyǵy dárigerlerdiń jiti baqylaýynda bolyp, turaqty em qabyldaǵan. Ana men sábılerdiń jaǵdaıy jaqsy», delingen habarlamada.