О́zbekstan ulttyq quramasynyń burynǵy bas bapkeri Tımýr Kapadze Qazaqstanda jumys isteý múmkindigi týraly aqparatqa pikir bildirdi, dep habarlaıdy Egemen.kz.
44 jastaǵy maman Qazaqstan quramasynan usynys almaǵanyn aıtty, biraq bolashaq josparlarymen bólisti.
«Qazir Qazaqstan quramasynan eshqandaı usynys joq. Bul aqparat qaıdan shyqqany belgisiz. Múmkin, keıbir pikirtalastar bolǵan bolar. Indonezııaǵa keletin bolsaq, bul prosess sonda qarastyrylyp jatyr. Men Indonezııa quramasyn jattyqtyrýǵa daıynmyn. Qazir men bospyn, sondyqtan usynystardy kútip otyrmyn. Sondaı-aq Túrkııa jáne Qytaımen de jumystar júrgizilip jatyr. Qazir naqty bir nárse aıtý qıyn. Eger taǵdyrymyz úılesse jumys isteımiz. Nemese men óz elimde qalyp, osynda jumysymdy jalǵastyrýym múmkin. Sondyqtan ázirge aldyn ala bár nárse aıtý qıyn», dedi Kapadze О́zA agenttigine bergen suhbatynda.
Kapadze 2025 jyldyń qańtarynan 2025 jyldyń 6 qazanyna deıin О́zbekstan quramasynyń bas bapkeri boldy. Osy ýaqytta ol quramamen 9 match ótkizdi: 5 jeńis jáne 4 teń oıyn. Onyń basshylyǵymen О́zbekstan quramasy alǵash ret álem chempıonatynyń fınalyna shyqty. Bıyl qazan aıynda О́zbekstan fýtbol assosıasııasy ulttyq quramanyń bas bapkeri qyzmetine ıtalıan mamany Fabıo Kannavarony taǵaıyndady.