Májilismen Edil Jańbyrshın LGBT-ny nasıhattaýǵa tyıym salý týraly zań jobasyna baılanysty depýtattyq saýal joldap, keleshek urpaqtyń rýhanı álemine qaýip tónip turǵanyn jetkizdi, dep jazady Egemen.kz.
«Bul máseleniń qoǵamda qyzý talqylanyp jatqanyna bes jyldyń júzi boldy. Osy ýaqyt aralyǵynda birneshe ret depýtattyq saýal joldanyp, barlyq dálel men derek egjeı-tegjeıli qaraldy. Biraq qasıetsiz top qasıetti kıiz úıimizde taırańdap, ulttyq folklorda gomoseksýalızm bar dep tutas halyqqa jala japty. Mundaı bassyzdyqqa jol berýge bolmaıdy», dedi depýtat.
Onyń aıtýynsha, LGBT ókilderi mektepterge baryp, zańsyz úgit-nasıhat júrgizip, halyq qalaýlylaryna qarsy aqparattyq shabýyl uıymdastyrǵan. «Bizdiń jeke basymyzǵa ótip, kelemejdedi. Bul – zań shyǵarýshy organnyń ókilderine qysym jasaý, adam quqyǵyn aıaqqa taptaý», dep atap ótti ol.
Depýtat qoǵam tarapynan bul úrdiske qarsy E-petition.kz memlekettik platformasynda bastama kóterilip, 50 myń azamattyń qoly jınalǵanyn eske saldy. Sondaı-aq, Jańbyrshın BUU-nyń Bala quqyqtary týraly konvensııasynda balany zııandy aqparattan qorǵaý mindeti kórsetilgenin, al Jeneva deklarasııasy ár memlekettiń dástúrli otbasylyq saıasat júrgizý quqyǵyn bekitetinin atap ótti.
«2022 jyly AQSh-tyń ózi Jeneva deklarasııasyn qabyldap, prezıdent Donald Tramp bir jynysty nekelerge tyıym salyp, tek áıel jáne er jynysyn moıyndaý týraly jarlyq shyǵardy. Bul sheshimdi Amerıka Joǵarǵy soty zańdy dep tanydy. Iаǵnı, biz túgili, álemniń ózge elderi de mundaı teris baǵyttardy qoǵamǵa jat dep baǵalap otyr», dedi E. Jańbyrshın.
Onyń aıtýynsha, LGBT-ny nasıhattaýǵa tyıym salý normalary eshqandaı adam quqyǵyn shekteýge baǵyttalmaǵan, qaıta ulttyq qaýipsizdikti, dástúrli otbasylyq ınstıtýtty jáne rýhanı ımmýnıtetti qorǵaýǵa arnalǵan. «Derbes memlekettiń ishki isine aralasýǵa, eń bastysy, onyń ulttyq zańdaryna qysym kórsetýge eshqandaı uıymnyń quqyǵy joq. Bul normalar ulttyń múddesin qorǵaýǵa baǵyttalǵan», dep qorytyndylady halyq qalaýlysy.