«Taza Qazaqstan» jalpyulttyq aksııasy aıasynda Aqtaý qalasyndaǵy Nazarbaev Zııatkerlik mektebiniń «Ekolıder» eriktiler klýbynyń bastamasymen mańyzdy ekologııalyq kezdesý ótti, dep habarlaıdy Egemen.kz.
Zııatkerlik mekteptiń baspasóz qyzmetiniń málimetinshe, «Itbalyq saqshylary» jasaǵynyń belsendileri men Mańǵystaý oblysy Balyq sharýashylyǵy basqarmasynyń janýarlar dúnıesin qorǵaý qyzmeti ınspektorlary birlesip «Eko-kózqaras» atty pikirtalas alańyn uıymdastyrdy. Kezdesý barysynda óńirdegi eń ózekti másele – Qyzyl kitapqa engen Kaspıı ıtbalyǵynyń qyrylý sebepteri talqylandy. Jas ekologtar Kaspıı teńizi endemıginiń azaıý sebepterin zertteýge, ólekselerdi jınaý jáne taldaý jumystaryna erikti retinde atsalysýǵa daıyn ekendikterin bildirdi.
Pikirtalasta «Ekolıder» klýbynyń usynystarynyń biri – ıtbalyq tabylǵan jaǵdaıda áreket etý algorıtmin ázirlep, ony týrıster jıi baratyn jerlerge ornalastyrý jáne halyqqa keńinen jarııalaý máselesi kóterildi.«Taza Qazaqstan» – tek qoqystan tazartylǵan kósheler ǵana emes, ol – Kaspıı jaǵalaýynyń júzdegen óli ıtbalyqsyz taza qalpyna kelýi», dedi «Ekolıder» eriktiler klýbynyń jetekshisi Baqytgúl Jaqsylyqova.Kezdesýge «ECOJER» qaýymdastyǵynyń aımaqtyq ekokeńesi men «QazaqBalyk» qaýymdastyǵynyń oblystyq fılıaly ókilderi qatysyp, NIS jas ekologtarynyń bastamalaryna qoldaý bildirdi.
Mańǵystaý oblysy