Qarjy monıtorıngi agenttiginiń Almaty qalasy boıynsha departamenti kólik quraldaryn zańsyz tirkeý boıynsha kólemdi qylmystyq isti aıaqtap, kinálilerge qatysty sot úkimi zańdy kúshine endi, dep jazady Egemen.kz,
QMA Almaty qalasy boıynsha departamentiniń málimetinshe, úsh jyl boıy bir top adam Arnaıy halyqqa qyzmet kórsetý ortalyǵynyń qyzmetkerlerimen ymyralasyp, kólikterdi bastapqy tirkeý úshin tólenetin alymdy aınalyp ótetin qylmystyq shema quryp kelgen.
Shema uıymdastyrýshylary deldaldar arqyly alym tóleýden jaltarǵysy keletin kólik ıelerin taýyp otyrǵan. Zańsyz tirkeýdi jasyrý úshin avtokólikter jalǵan tulǵalardyń atyna rásimdelgen.
AHQO qyzmetkerleri aqparattyq júıege jalǵan málimetter engizip, 132 kólikti zańsyz tirkeýge qoıǵan. Sonyń saldarynan memleketke 1,2 mlrd teńgeden astam zalal keltirilgen.
Tergeý barysynda tólenbegen alymdardyń bir bóligi – 273 mıllıon teńge erikti túrde óteldi.
Sot kináli úsh tulǵany 3 jyldan 4 jyl 6 aıǵa deıingi merzimge bas bostandyǵynan aıyrý týraly úkim shyǵardy. Sonymen qatar qylmystyq jolmen alynǵan 7 avtokólik tárkilendi.