Aqorda Memleket basshysynyń aldaǵy kúnderge arnalǵan jumys kestesin jarııalady, dep habarlaıdy Egemen.kz.
14 qarasha kúni Prezıdent Qasym-Jomart Toqaev Astanada ótetin Aýyl sharýashylyǵy eńbekkerleriniń ekinshi forýmyna qatysady. Jıyn barysynda agrarlyq salany damytýdyń ózekti máseleleri talqylanady.
14-15 qarasha kúnderi Qasym-Jomart Toqaev О́zbekstan Prezıdenti Shavkat Mırzııoevtiń shaqyrýymen Tashkentke memlekettik saparmen barady.
Memleketter basshylary tet-a-tet formatynda kelissóz júrgizedi, sondaı-aq prezıdentterdiń tóraǵalyǵymen Qazaqstan-О́zbekstan Joǵary memleketaralyq keńesiniń ekinshi otyrysy ótedi.
16 qarashada Prezıdent Tashkentte ótetin Ortalyq Azııa jáne Ázerbaıjan memleketteri basshylarynyń VII Konsýltatıvtik kezdesýine qatysady.
17-19 qarasha kúnderi Astanaǵa Estonııa Prezıdenti Alar Karıs memlekettik saparmen keledi.
Aqordada memleketter basshylary joǵary deńgeıde kelissóz júrgizip, ekijaqty yntymaqtastyq perspektıvasyn talqylaıdy.