OpenAI kompanııasy jasandy ıntellekttiń jańa úlgilerin – GPT-5.1 Instant jáne GPT-5.1 Thinking modelderin iske qosqanyn jarııalady. Bul jańartýlar ChatGPT chat-botynyń ónimdiligi men ózara áreket sapasyn aıtarlyqtaı jaqsartady, dep habarlaıdy Egemen.kz.
Kompanııa málimetinshe, jańa úlgiler búginnen bastap jumys isteı bastaıdy. Aldymen aqyly jazylym ıelerine, keıin barlyq paıdalanýshylarǵa qoljetimdi bolady.
Jańartýda eki bólek nusqa usynylǵan:
GPT-5.1 Instant – ChatGPT-de eń jıi qoldanylatyn model. Endi ol «aqyldyraq bolyp, paıdalanýshynyń nusqaýlaryn jaqsyraq túsinedi».
GPT-5.1 Thinking – oılaý jáne taldaý qabileti kúsheıtilgen nusqa. Ol qarapaıym tapsyrmalardy tezirek oryndaıdy, kúrdeli jaǵdaılarda turaqtyraq jumys isteıdi jáne jaýaptaryn naqtyraq beredi.
Paıdalanýshylar úshin bul — jaýaptardaǵy «mashınalyq tonnyń» azaıýy jáne ChatGPT-diń sóıleý mánerindegi ıkemdiliktiń artýy degendi bildiredi.
GPT-5 úlgisiniń aldyńǵy nusqalary shamamen úsh aı boıy qoljetimdi bolyp qalady. Paıdalanýshylar eki nusqany salystyryp, beıimdele alady.