Qazaqtyń alǵashqy kásibı bıshisi, Qazaqstannyń halyq ártisi Shara Jıenqulovanyń sırek beınematerıaly "Arhıv-2025" memlekettik baǵdarlamasy aıasynda Reseı Federasııasynyń Krasnogorsk qalasyndaǵy Reseı memlekettik kınofotoqujattar arhıvinen tabyldy, dep jazady Egemen.kz.
Bıshiniń "Bıpyl" halyq ánine myń burala bılegen beınejazbasy Qazaqstan Respýblıkasy Ortalyq memlekettik kıno-fotoqujattar men dybys jazbalary arhıvinde saqtaýly.
Saraptaý nátıjesinde beınematerıaldyń 1958 jylǵy 21 jeltoqsanda ótken Qazaq ádebıeti men óneriniń onkúndiginiń qorytyndy konserti kezinde túsirilgeni belgili boldy.
Atalǵan onkúndik - qazaq halqynyń mádenıeti men ónerin búkil Keńes Odaǵyna tanytqan alǵashqy iri mádenı oqıǵalardyń biri sanalady. 1934 jyly Shara Jıenqulova M. Áýezovtiń "Aıman – Sholpan" spektaklinde tuńǵysh ret qazaqtyń "Kelinshek" atty ulttyq bıin bılep shyqqan. Sondaı-aq Evgenıı Brýsılovskııdiń "Qyz Jibek", "Jalbyr" jáne "Er Tarǵyn" operalarynda ulttyq bıdi keńinen tanytyp, qazaq sahnasynyń sımvolyna aınaldy.