Tehnıkanyń tilin tapqan

Qazir elimizde ás­kerı tehnıkalyq maman­dyq­­tarǵa suranys kún­nen-kúnge artyp keledi. Bıyl qań­tar-tamyz ­aıyn­da tehnıkalyq bi­limmen qarý­lanǵan sarbaz­­dar­­ǵa arnalǵan oqý oryndaryna 4 myń­­­ǵa jýyq ótinish túsken, onyń ­ishin­­de 1 700-den astamy qabylda­nyp, kásibı daıyndyqty basta­dy. Bul memlekettik baǵdarlama ǵana emes, el qaýipsizdigine tike­leı úles qosý maqsatyndaǵy ma­ńyzdy qadam. Máselen, teh­nı­ka­lyq mamandyqtarǵa qatysty eńbek naryǵy da ózekti. Elimiz­de tehnıkalyq dıplomy bar ma­man­darǵa suranys kún saıyn artyp keledi, olar kásibı biliktiligi jo­ǵary mamandar qataryna kiredi. Jeke bastamalar men memleket­tik qoldaý arqasynda, áskerı teh­nıkalyq mamandyqtardaǵy kadr tapshylyǵy birtindep qysqar­ǵa­ny baıqalady. Bul derekter sar­bazdar men serjanttardyń qara­paıym eńbek arqyly el qa­ýip­sizdigin nyǵaıtyp otyrǵa­nyn naq­ty kórsetedi. Ár detaldi jón­deý, ár agregatty tekserý kózge kó­rinbeıtin, biraq asa mańyz­dy ju­mys. Mundaı eńbek eldiń qorǵa­nys qabiletiniń tiregi bolyp otyr.

Qazirgi zamanǵa saı áskerı kúshtiń tıimdiligin arttyratyn mańyzdy salalardyń biri – áskerı tehnıkalyq mamandyqtar. Bul salany ıgerý kásibı damýǵa ǵana emes, eldiń qorǵanys qabiletin arttyrýǵa da septigin tıgizeri sózsiz. Sarbazdar sapynda júrgen azamattar áskerı tehnıkalyq bilimdi ıgerý arqyly elimizdiń qaýipsizdigin qamtamasyz ete alady. Sondaı bilikti mamandardyń biri «Shyǵys» óńirlik qolbas­shy­lyǵyna qarasty 32388 áskerı bóliminiń kúrdeli apparattardy jóndeıtin mamany – serjant Bekjan Bekbosynov.

Semeı qalasyndaǵy Kólik kol­ledjinde tehnık-mehanık ma­mandyǵyn alǵan B.Bekbosy­nov 2012 jyldan beri atalǵan ás­kerı bólimde qyzmet etip keledi. Bekjan keıingi birneshe jyldan beri tehnıkalardyń mańyzdy ag­regaty sanalatyn joǵary qy­symdaǵy janarmaı sorǵysyn, ap­­pa­ratýralardy jóndeýmen aı­na­­lysatyn birden-bir maman. Jón­deý jumystaryn jetik meń­gerý maqsatynda Semeıdegi tank jóndeý zaýytynda bilimin jetil­dirip, tájirıbesin shyńdady.

– Ár apparatýranyń za­ýyt­tan shyqqan kezdegi ózindik para­metrleri bolady. Sol parametr­lerge saı tekserip, arnaıy qu­rylǵyda retke keltiremiz. Jo­ǵary qysymdaǵy janarmaı sor­ǵy­laryn bos kúıinde, ortasha sal­maq­pen synaý arqyly olardyń ju­mys qabiletin anyqtaımyz. Qa­­­rapaıym, kózge kórinbeıtin­deı bol­ǵanymen, ár detaldiń ózin­dik mashaqaty bar. Keıde bir­ne­she saǵat boıy bir bólshekti durys kúıge keltirý kerek bolady. Bul tek tehnıkalyq jumys emes, eldiń qaýipsizdigine qosqan úles. Áskerı tehnıkany senimdi kúıde ustaı bilý – bizdiń bas­ty mindetimiz. Alǵan bilimimiz ben daǵdymyz ar­qyly tehnıka durys jumys istep qana qoımaı, sarbazdardyń ómirin de qorǵaıtynyna senemin, – deıdi ol.

Qazirgi ınnovasııalyq-ındý­s­trııalyq damý baǵytyn ustan­ǵan elimizge kásiptik-tehnıkalyq bi­limi bar mamandar asa qajet. Bul – ýaqyt talaby.

– Basty maqsatymyz – áskerı tehnıkalyq mamandardyń kási­bı deńgeıin udaıy arttyryp otyrý. Bul rette bólimde bar­lyq jaǵdaı jasalǵan. Zamanaýı oqý quraldarymen jetkilikti qam­tamasyz etilgen, túrli jatty­ǵý­lar, praktıkalyq sabaqtar, ar­naıy semınarlar turaqty ót­ki­ziledi. Bıylǵy oqý jylynda sarbazdar ár agregatty jóndeý­diń kúrdeli kezeńderin úırenip, daǵdylaryn shyńdady. Kásibı biliktiligi joǵary maman – kez kel­gen jaǵdaıda suranysqa ıe. Bizge tek tehnıkany jóndeý emes, sar­bazdardyń ómirin qorǵaý, bó­limniń daıyndyq deńgeıin art­tyrý mańyzdy. Sondyqtan árbir áskerı tehnıkalyq maman óz bilimi men tájirıbesin únemi je­til­dirýge tıis, – deıdi 32388 áske­rı bóliminiń avtomobıl teh­nıkalaryn jóndeý rotasynyń rota komandıri, aǵa leıtenant Ahan Júnisálıev.

Jaýyngerlik daıarlyq deń­geıin arttyrý maqsatynda ótki­ziletin is-sharanyń biri – áske­rı­lerdi mamandyq boıynsha oqytý. Bul udaıy basty nazarda turatyn másele. Oqý barysynda áskerı qyzmetshiler mamandyqqa saı alǵan bilimderin talmaı shyńdap, pysyqtaı túsedi.

Bekjan tehnıkaǵa ǵana emes, jumysyna degen adaldyǵymen de úlgi. Kún saıyn qajyrly eńbek­pen aınalysyp, kúrdeli agregattardy jóndese de, eshqashan ózin erekshe mamanmyn dep sanamaıdy. Qa­rapaıym eńbek adamy degen osy shyǵar, rasynda. Onyń aı­týynsha, eń bastysy – ár detal­diń durys jumys isteýi, tehnıka­nyń senimdi bolýy. Sol qarapa­ıym, jaýapty eńbegi arqyly eldiń qor­ǵanysyn nyǵaıtady. Shynaıy erlik – kózge kórinbeıtin, biraq mańyzdy jumysty adal oryndaý.

Jalpy, áskerı tehnıkalyq mamandyqtar tehnıkalyq bilim men daǵdylardy talap etetin kúr­deli kásip. Bul mamandyqtar ás­kerı kúshterdiń tıimdiligin ­arttyrý, zamanaýı áskerı tehnıkany paıdalaný, ony jón­deý, sondaı-aq áskerı operasııa­lardy josparlaý nemese ony júzege asyrý barysynda asa qajet, kúrdeli sala.

Abaı oblysy