Osydan biraz jyl buryn Aral teńiziniń tartylǵan túbinen ǵalymdar túsiniksiz geometrııalyq fıgýralar taýyp alǵan. Onyń qupııasy áli kúnge deıin ashylmaǵan.
Otandyq ǵalym Borıs Smerdov 1990 jyly Aral mańyndaǵy sý deńgeıin baqylaý kezinde osy jumbaq belgilerge tap bolǵan. Aerofotosýretterde teńiz túbinen jáne jaǵalaý boıynan uzyndyǵy 20–40 shaqyrymǵa deıin sozylǵan túzý, parallel syzyqtar kóringen. Keıbiri alyp qol taraqpen taraǵandaı nemese qylqalammen syzǵan sýret sekildi. Eni shamamen 10–12 metr, araqashyqtyǵy ondaǵan shaqyrymǵa jetedi. Fransýz ǵalymdary bul qubylysty Perýdegi áıgili Naska syzyqtarymen salystyryp, «bul jerden tys órkenıettiń izi bolýy múmkin» degen boljam jasaǵan.