13 qarashada Almaty oblysynyń Uıǵyr aýdanynda belgisiz bireýler shet memlekettiń týy men basshysynyń beınesin órtep jibergen, dep habarlaıdy Egemen.kz.
«Materıaldardy sotta qaraý qorytyndysy boıynsha 12 azamat QR ÁQBtK-niń 434-baby boıynsha ákimshilik jaýapkershilikke tartylyp, 15 táýlikke deıingi merzimge ákimshilik qamaýǵa alyndy. Sonymen qatar, taǵy 6 qatysýshyǵa 20 AEK mólsherinde aıyppul salyndy.», delingen oblystyq polısııa habarlamasynda.
Resmı aqparatqa sáıkes, qajetti tergeý amaldary júrgizilip jatyr.
Polısııa memlekettik rámizderge qol suǵý, sondaı-aq arazdyq týdyryp, qoǵamdyq qaýipsizdikti buzýǵa baǵyttalǵan kez kelgen áreket – zańnyń óreskel buzylýy ekenin jáne mundaı faktiler qatań zań tártibimen toqtatylatynyn qatań túrde eskertedi.