Memleket basshysynyń Jarlyǵymen elimizdiń agroónerkásip salasyn damytýdaǵy asa úzdik jetistikteri úshin «Stepnoe» jaýapkershiligi shekteýli seriktestiginiń (Aqtóbe oblysy) dırektory Amanǵos Sansyzbaıuly Tóleýovke joǵary dárejeli erekshelik belgisi – «Qazaqstannyń Eńbek Eri» ataǵy berildi, dep habarlaıdy Egemen.kz Aqordanyń baspasóz qyzmetine silteme jasap.
Prezıdent Qasym-Jomart Toqaevtyń qolynan aýyl sharýashylyǵy salasynyń 30 eńbekkeri memlekettik nagrada aldy.Atap aıtqanda, bir adam – «Parasat» ordeniniń kavaleri, salanyń 6 ókili «Qurmet» ordeniniń ıegeri atandy.
II dárejeli «Eńbek dańqy» ordenimen 1 azamat, III dárejeli «Eńbek dańqy» ordenimen 10 adam, «Eren eńbegi úshin» medalimen 6 eńbekker marapattaldy.Sondaı-aq búgingi is-sharada «Qazaqstannyń agrarlyq salasynyń eńbek sińirgen qaıratkeri» qurmetti ataǵy aýyl sharýashylyǵy salasynda ozat atanǵan tórt azamatqa alǵash ret tapsyryldy.