«Tashkent-Hýmo» áýejaıynda mártebeli meımannyń kelýine oraı qurmet qaraýyly men áskerı úrmeli orkestri sap túzedi. Qazaqstan Prezıdentin О́zbekstan Prezıdenti Shavkat Mırzııoev pen basqa da resmı tulǵalar qarsy aldy. Qazaqstan men О́zbekstannyń ánurandary shyrqalyp, Qurmet qaraýylynyń bastyǵy raport berdi, dep habarlaıdy Egemen.kz.
Saltanatty rásimnen keıin memleketter basshylary bir-birine eki eldiń resmı delegasııa múshelerin tanystyrdy. Qazaqstan Prezıdentiniń bul saparyna kórshi el halqy erekshe mán berip otyr. Aýa raıynyń búgin ashyq ta, jyly bolýyn jergilikti jurt jaqsylyqqa balaýda. Saparǵa daıyndyq retinde Tashkenttiń kósheleri men bıik ǵımarattary Qazaqstan men О́zbekstan týymen bezendirilgen, al LED-ekrandarǵa Qasym-Jomart Toqaev pen Shavkat Mırzııaevtiń sýretteri qoıyldy.
Sapar baǵdarlamasyna sáıkes erteń prezıdentter kelissózder júrgizedi. Sondaı-aq Qasym-Jomart Toqaev pen Shavkat Mırzııoevtiń tóraǵalyǵymen Qazaqstan-О́zbekstan Joǵary memleketaralyq keńesiniń ekinshi otyrysy ótedi.