Prezıdent Memlekettik syılyqtyń laýreaty Kúlásh Ahmetovanyń otbasyna kóńil aıtý jedelhatyn joldady, dep habarlaıdy Aqorda,
Memleket basshysy Qasym-Jomart Toqaev kórnekti aqyn, «Qurmet», «Parasat» ordenderiniń ıegeri Kúlásh Ahmetovanyń dúnıeden ótýine baılanysty onyń otbasy men jaqyn-jýyqtaryna kóńil aıtty.
– Kúlásh Ahmetova bar ǵıbratty ǵumyryn sáýleli sóz ónerine arnaǵan, ulttyq ádebıetimizdiń kókjıegin keńeıtýge mol úles qosqan halqymyzdyń aıaýly aqyny edi. Názik qalamynan týǵan syrshyl óleńderi, eldikti dáriptegen jalyndy jyrlary oqyrman tarapynan asa joǵary baǵaǵa ıe boldy. О́negeli ómir súrip, sońyna ádebı baı mura qaldyrǵan Kúlásh Ahmetovanyń esimi men jarqyn beınesi umytylmaıdy, – delingen jedelhatta.