Balqash áýejaıyn rekonstrýksııalaýǵa qaıtarylǵan aktıvter esebinen 945 mln teńge bólindi, dep habarlaıdy Egemen.kz.
Bul týraly Úkimettiń baspasóz qyzmeti málimdedi.
Úkimet Memleket basshysynyń óńirlik kólik habtaryn damytý jáne áýe qatynasy qaýipsizdigin arttyrý jónindegi tapsyrmalaryn oryndaý sheńberinde Balqash qalasynyń áýejaıyn rekonstrýksııalaýǵa Arnaýly memlekettik qordan 945 mln teńge bóldi.
Nysandy rekonstrýksııalaý jolaýshylarǵa qyzmet kórsetý sapasyn jaqsartýǵa jáne áýe aılaǵynyń negizgi parametrlerin halyqaralyq standarttarǵa sáıkestendirýge múmkindik beredi. Onyń ótkizý qabileti 30%-dan astamǵa artady.
Qazirgi ýaqytta jumystardyń edáýir kólemi oryndalǵan. Atap aıtqanda, áýejaıdyń negizgi ǵımaraty men qosalqy nysandarynyń shatyry jóndelip, terezeler ornatylyp, káriz júıesi jáne sý qubyrynyń negizgi jelisi jańartyldy. Sondaı-aq káriz-sorǵy stansasy, transformatorlyq qosalqy stansa, jeldetý jáne jylytý júıeleri ornatyldy.
Sonymen qatar áýejaı qyzmetin qamtamasyz etý úshin birinshi kezekte qajetti arnaıy aerodrom tehnıkasyn satyp alý jumystary júrgizilýde. Búginde aerodromdyq órt sóndirý kóligi, jyljymaly trap, shaǵyn avtobýs jáne aerodromǵa arnalǵan janarmaı quıý kóligi satyp alynǵan.
Prezıdent Joldaýyn júzege asyrý aıasynda elimizde avıasııalyq ınfraqurylymdy damytý boıynsha keshendi jumystar júrgizilip jatqanyn atap ótý mańyzdy. Ol Astana, Almaty, Shymkent, Aqtóbede jáne basqa da iri qalalardaǵy jetekshi áýejaılardy mýltımodaldy habtarǵa aınaldyrý úshin aýqymdy jańǵyrtý jumystaryn qamtıdy. Sonymen qatar negizgi týrıstik aımaqtarda (Qatonqaraǵaı, Zaısan, Kendirli) jańa áýejaılar salý jáne óńirlik áýe aılaqtaryn qalpyna keltirý jumystary júrgizilýde.