Memleketter basshylary Qasym-Jomart Toqaev, Shavkat Mırzııoev, Ilham Álıev, Sadyr Japarov jáne Emomalı Rahmon Tashkenttegi Islam órkenıeti ortalyǵyna keldi, dep jazady Egemen.kz.
Prezıdentterge ortalyq ıslam órkenıetiniń bir bólshegi sanalatyn О́zbekstannyń baı mádenı-rýhanı murasyn tereń zertteý jáne nasıhattaý maqsatynda qurylǵany jóninde baıandaldy.
Mundaǵy eń basty jádiger – Osman Qurany. Al onyń jan-jaǵynda Quran súreleriniń sanyna sáıkes 114 ejelgi kitap qoıylady. Islam órkenıeti ortalyǵy 2017 jyly quryldy. Negizgi maqsaty – О́zbekstannyń baı mádenı jáne rýhanı murasyn álemdik ıslam órkenıetiniń ajyramas bóligi retinde saqtaý, tereń zertteý jáne tanymal etý.
Aıta ketelik, Tashkent qalasyndaǵy Haziret Imam kesheniniń janynda ornalasqan ortalyq ǵımaraty 3 qabattan turady. Birinshi qabatynda ǵylymı-zertteý ortalyqtary, restavrasııalaý zerthanalary, sırek kezdesetin qoljazbalar qorlary jáne mýzeı eksponattary bar. Al ekinshi qabatta kórme zaldary, onyń basty eksponaty – bıiktigi 64 metrlik kúmbezdiń astynda ornalasqan biregeı artefakt – Osman Qurany qoıylǵan. Úshinshi qabatta sırek qoljazbalar jáne kitaptar jınaǵy bar ortalyqtyń ǵylymı bólimderi de ornalasqan.
Qazirgi ýaqytta Ortalyqta 800-den astam jobalar men usynystar jınaqtalǵan, olar boıynsha álemniń ár túkpirinen kelgen jetekshi shyǵystanýshy, ónertanýshy, tarıhshy, teolog, arheolog, kallıgraf jáne sarapshy jumys isteýde. Jergilikti sarapshylar Islam órkenıeti ortalyǵy – jastarǵa, jańa órkenıetti jasaýshylarǵa baǵyttalǵan, bolashaq mindetterin beıneleıtin órshil joba ekenin, jańa tehnologııalardyń kómegimen ótkendi zertteýge múmkindik beretinin aıtady.
TAShKENT