TÝ — ELDIKTIŃ BASTY BELGISI

ELORDA MEN ELBASY – EGIZ UǴYM Týǵan kúnińmen, eńsesi bıik Elorda! Týǵan kúnińizben, eli súıgen, elin súıgen Elbasy! Asqaq rýh pen eldiktiń aıbyndy nyshany bolyp tabylatyn  Memlekettik tý “Atameken” etno-memorıaldy kesheninde shildeniń 4-inde Elbasynyń qatysýymen kókte jelbiredi. Týdy  kóterý saltanatty rásimi Astana kúnin merekeleýdiń resmı túrde bastalǵanyn bildirdi. – Memlekettik tý qashanda aı­ryqsha mańyzdy oqıǵanyń qur­me­tine kóteriledi. Bas baıraǵymyzdyń búgin elorda kógine sharyqtaı kóterilýi – Astana kúnine arnalǵan merekelik sharalardyń resmı túrde bastalýyn bildiredi. Astananyń 10 jyldyq merekesinen beri bul izgi shara ıgi dástúrge aınalyp keledi. Biz búgin osy jerden asqaq Asta­namyzdyń on eki jyldyq mere­ke­sin resmı túrde bastaǵaly turmyz. Jyl – on eki aıdan turady. Ba­ba­lar ustanǵan jyl qaıyrý dástúri boıynsha, on eki jyl – bir múshel­di quraıdy. Halqymyz baǵzydan múshel jasqa erekshe mán bergen. Búgin, mine, Astana osy múshel jasyna jetti! Túptep kelgende, on eki jyl – tarıh úshin tym qysqa ýaqyt. On eki jasqa tolǵan bala múshel jasqa endi jetip, oń-solyn jańa tanı bastaıdy, – dep bastady sózin Elbasy. Al Astana osy jyldar ishinde sáýletine dáýleti kelisken irgeli or­talyqqa, álemdik saıasat pen rýha­nııattyń qutty ordasyna aınaldy. Tý –  táýelsizdik pen tutas­tyq­tyń tuǵyrly ólshemi, azattyqtyń aırylmas bólshegi! Sondyqtan ol ejelden eldiktiń basty belgisi bo­lyp eseptelgen! Osy Bas baı­raq­tyń astynda Qazaqstan Qarýly Kúshteriniń jas sardarlaryna jańa áskerı shender tapsyrylady. Mu­nyń da sımvoldyq máni zor, dep jalǵady sózin Prezıdent. Týdy kıe tutyp, aıryqsha qasterleý – arǵy atalarymyzdan tamyr tartqan arnaly dástúr. Súıinbaı aqyn aıtqandaı, batyr babalarymyz “bórili baıraq” astynda bas qosyp, bólinbes eldiń birligin bekemdegen. Uly joryqtarda arýaqty batyryna baıraǵyn ustatqan. Týǵa qarap jaýyngerler jigerin janyǵan, na­mysyn qaıraǵan. Jelbiregen jalaý jaýjúrek batyrlardyń rýhyn oıat­qan. Bul búgingi urpaqqa ónege bo­lýy tıis. Egemen eldiń erleri kók baıraqtyń qadir-qasıetin jete se­zinýleri qajet. Altyn kún astynda azat qyrany qalyqtaǵan kók baı­raqtyń ashyq aspanymyzda jel­bireýi búgingi batyrlarymyzǵa erek­she kúsh beretini anyq. Tý – el bir­liginiń sımvoly. Halqymyz qandaı kezeńde de bir týdyń tóńiregine toptasyp, erlik pen eldiktiń ja­sam­paz úlgisin kórsetken. Baıraǵyn jyqpaı, eli men jerin urpaqtan urpaqqa amanattaǵan. 1998 jyly elorda barsha álem­ge pash etilgenin tilge tıek etken Elbasy qazir Astananyń tanymas­taı ózgergenin erekshe maqtanysh sezimimen aıtty. Ár kún saıyn munda Astanany kórý úshin qazaq­standyqtar men sheteldikter ke­lýde. Ortalyq Azııanyń negizgi megapolısi bolyp tabylatyn elordada jahandyq halyqaralyq kez­desýler, quryltaılar men kon­ferensııalar ótkizilýde. Osy rette Memleket basshysy qalanyń eli­miz ekonomıkasyndaǵy úlesiniń artqanyn atap óte kelip, jalpy óńirlik ónim 1 trıllıon 300 mıl­lıard teńgege jetkenin alǵa tartty. О́ndiristik ónim kólemi 9 ese, al negizgi kapıtalǵa salynǵan ın­ves­tısııa 18 ese ósip, qurylys kólemi de osynshama ese artqan, dedi Nur­sultan Ábishuly. Shynynda da, eldi ındýstrııa­lan­dyrý baǵdarlamasy júzege asyrylýda. Eń bastysy – Qazaqstannyń Týy men Ánuranyn barlyq álem tanıdy. Elbasy osy oraıda elimizdiń tanymal bolýy halyqaralyq bastamalarymyz ben EQYU sııaqty bedeldi uıymǵa tóraǵa bolýymyzda ekendigin de eskerte ketti. On eki jyl ishinde elorda arqa tósinde órken jaıyp, tamsana qaraıtyn kórikti shaharǵa aınaldy. Záýlim ǵımarattar qala turǵyndary men kelýshilerdiń kózaıymy bolyp otyr. Al kók baıraǵymyz osyndaı ásem Astanamyzdyń kez kelgen je­rinen kórinedi. Tóbemizde jelbire­gen kók baıraq árbir qazaq­stan­dyq­tyń boıyna zor maqtanysh pen rýh uıa­latyp qana qoımaı, óskeleń ur­paq­qa otansúıgishtik qasıet te darytady. Nursul­tan Nazarbaev QR UQK áskerı ınstıtýtynyń úlgili túlek­te­rine leıtenant pogonyn tabys etti. Asqar TURAPBAIULY.