Oblystyq Tótenshe jaǵdaılar departamentiniń málimetinshe, órt aldymen beket aýmaǵynda turǵan júk kóliginen shyqqan, keıin jalyn ǵımarat shatyryna taraǵan, dep habarlaıdy Egemen.kz.
«2025 jyly 16 qarasha kúni saǵat 16:44-te Saıram aýdany, Qarasý aýyly, Qarabulaq tasjolyndaǵy janar-jaǵarmaı beketiniń jalpy kólemi 150 sharshy metr ǵımaratynyń tóbe jappasy jandy. О́rt saǵat 17:04-de oqshaýlanyp, saǵat 17:23-de tolyq sóndirildi. Zardap shekkender joq», delingen habarlamada.
Oqıǵa ornyna 40 qutqarýshy men 9 birlik, sondaı-aq 103 qyzmetiniń toby jáne «Ońtústik jaryq tranzıt» JShS mamandary jumyldyrylǵan. Qutqarý jumystary kezinde órttiń basqa nysandarǵa taralýynyń aldyn alý sharalary tolyq atqarylǵan.