Oblys aýmaǵyndaǵy Shet aýdanyna qarasty Tómengi Qaıraqty aýyly turǵyndary alkogol ónimderin satýǵa tolyq tyıym salý jóninde biraýyzdan sheshim qabyldap otyr, dep jazady Egemen.kz.
Atalǵan aýylda 730 turǵyn bar. 17 kóshede ornalasqan 210 úı, sondaı-aq 4 dúken jáne toıhana sekildi áleýmettik nysandar bastamany tolyq qoldap otyr.
Turǵyndardyń jalpy jınalysynda aýyldyń ýchaskelik ınspektory, ákim jáne aqsaqaldar keńesi kótergen bastamada alkogoldiń densaýlyqqa zııany, qylmys deńgeıine yqpaly jáne aýyldyń áleýmettik jaǵdaıyna áseri týraly naqty dáıekter keltirildi. Usynysty turǵyndardyń basym bóligi qoldap, sheshim biraýyzdan qabyldandy.
Mundaı bastama Qaraǵandy oblysynda alǵash ret qolǵa alynyp otyrǵan joq, buǵan deıin aımaqtyń 69 aýylynda alkogol satýyna shekteý engizilgen. Bul kórsetkish – qoǵamnyń salaýatty ómir saltyna bet buryp kele jatqanyn aıqyn kórsetedi.