Eńbek jáne halyqty áleýmettik qorǵaý mınıstrligi múgedektigi bar balalardy úıde oqytýǵa jumsalǵan shyǵyndardy óteý tártibin jańartýdy josparlap otyr. Bul týraly buıryq jobasy «Ashyq NQA» portalynda jarııalanyp, qoǵamdyq talqylaýǵa usynyldy, dep jazady Egemen.kz.
Mınıstrliktiń aıtýynsha, jańa ózgerister ata-analar úshin rásimderdi jeńildetip, qajet aqparatty jınaýdy avtomattandyrýǵa baǵyttalǵan. Iаǵnı buryn qaǵaz kúıinde suratylatyn birqatar qujattar sıfrlyq formatqa kóshedi. Bul qyzmet kórsetýdi ashyq ári jedel etýge múmkindik beredi.
Jobada «úıde oqytý shyǵyndaryn óteý» qyzmetiniń biryńǵaı derekter bazasy engiziletini aıtylǵan. Bul – ár óńirde ártúrli toltyrylatyn qujattardyń birizge túsiriletinin bildiredi. Sonymen birge, qyzmetti bolashaqta proaktıvti formatqa aýystyrý josparlanyp otyr. Iаǵnı ata-analarǵa qujat jınap júrýdiń qajeti joq, memleket qajetti aqparatty ózi jınaıdy.
О́zgerister eki negizgi qujatqa engizilmek:
– 2021 jylǵy №84 buıryq (áleýmettik-eńbek salasyndaǵy memlekettik qyzmetter týraly); – 2016 jylǵy №28 buıryq (úıde oqytý shyǵyndaryn óteýge qatysty ákimshilik derekter nysany).
Buıryq jobasy 2025 jyldyń 1 jeltoqsanyna deıin «Ashyq NQA» portalynda qoǵamdyq talqylaýda bolady. Azamattar osy merzimge deıin usynys bildirip, qujatqa óz pikirin qaldyra alady.