1986 jyly Klıvlendte qala ımıdjin kóterý maqsatynda aspanǵa 1,5 mln geldi shar ushyrý fleshmoby uıymdastyrylady. Alaıda bul tarıhtaǵy eń sátsiz ári zııandy fleshmob retinde este qaldy.
Rekord jańartýdy kózdegen is-sharaǵa myńdaǵan erikti qatysyp, túni boıy shar úrlegen. Alaıda kúshti jel men jańbyrdyń kesirinen sharlar retsiz ushyp, qalada ondaǵan jol apaty bolyp, áýejaı jumysy toqtaıdy, tótenshe jaǵdaı rejimi engiziledi. Tipti kólge túsken sharlar joǵalǵan eki balyqshyny izdeý jumysyna kedergi keltirip, qutqarýshylar ýaqyt joǵaltyp alady. Keıin balyqshylardyń denesi jaǵadan tabylǵan. Osylaısha fleshmob qalany adam jáne ekologııa shyǵynyna batyrdy.